कुशेगाव  गावाला सामाजिक,आध्यात्मिक,राजकीय,शैक्षणिक व क्रांतीकारी गांव म्हणून उभ्या महाराष्ट्रात ओळखले जाते. प्रगतीच्या अनेक पाऊल खूणा सोडत गगनाला गवसणी घालणारी प्रगती ह्या गावाने केली आहे. ऐतिहासिक वारसा ह्या गावाने जपला आहे. कुशेगाव येथे तीर्थक्षेत्र पंप सरोवरावर प्राचीन काळापासूनश्रीराम मंदिर आहे.येथील अशी आख्यायिका आहे की प्रतेक्ष पभू श्रीराम यांच्या पदस्पर्शाने पावन झालेली भूमी आहे.कुशेगाव हे किष्किंदा नागरी म्हणून ओळखले जाते. कुशेगाव  हे गाव मुंबई -आग्रा महामार्ग पासून १६ कि. मी वसलेले असून  येथील प्रमुख पिक भात आहे.सदरचे गाव हे पेसा क्षेत्रात आहे.

*ग्रामपंचायत कार्यालय :- सर्व सुविधांनी परिपूर्ण असे अद्यावत ग्रामपंचायत कार्यालय कार्यान्वित असून संपूर्ण कामकाज संगणकीय पद्धतीचे आहे.

*ग्रामपंचायत पुरस्कार :- ग्रामपंचायतीला शासकीय स्पर्धा स्तरावर विभागीय  महा आवास पुरस्कार, आर.आर.आबा सुंदर गाव पुरस्कार,स्री लिंग गुणोत्तर पुरस्कार, चंदेरी प्रमाणपत्र असे  पुरस्कार मिळाले आहेत. 

* शैक्षणिक संस्था बाबत माहिती  :-  गावात प्राथमिक व माध्यमिक शाळा  आहे.  

*पाणीपुरवठा:- सुधारित पाणीपुरवठा योजने मार्फत गावाला नियमित सुरळीत पाणीपुरवठा होत आहे.

*घंटागाडी:- गावातील ओला व सुका कचरा घंटागाडी मार्फत जमा करून गावा बाहेरील डपिंग ग्राउंड टाकण्यात येत असून सदर कचऱ्याचे विलगीकरण करण्यात येत आहे.

* हगणदारी मुक्त गाव :-घर तिथे शौचालय संकल्पनेतून प्रत्येक घरकुलाला शौचालय निर्मिती करून उघड्यावर शौच करणाऱ्या ग्रामस्थांना प्रसंगी कारवाई व प्रबोधन करून गांव हगणदारी मुक्त करण्यात आले आहे.   

*अंगणवाडी :- गावात ४ अंगणवाडी कार्यरत असून अंगणवाडीत पाणी, डिजिटल शिक्षण व संगणकाचे प्राथमिक धडे दिले जातात.  

* माध्यमिक शाळा :-  न्यू इंग्लिश स्कूल कुशेगाव या शाळेतून  माध्यमिक शैक्षणिक संस्था असून त्यांचेकडून गावातील व परिसरातील विद्यार्थी व मुली यांना उत्तम दर्जाचे शिक्षण दिले जाते .